Әлеуметтік маңызы бар азық-түлік қымбаттады

Қазақстанда әлеуметтік маңызы бар азық-түлік өнімдері тағы қымбаттады, деп хабарлайды Bugin.kz порталы ұлттық статистика бюросына сілтеме жасап.

Ресми мәліметке сәйкес, өткен аптада әлеуметтік маңызы бар азық-түлік тауарларының бағасы 0,2 пайызға өсті. Ай басталғалы 0,4 пайызға, ал жыл басынан бері 21 пайызға қымбаттаған.

«Жылдық мәнде олар 20,5%-ға қымбаттады, бұл 2021 жылдың ұқсас кезеңімен салыстырғанда 7,6 пайыздық тармаққа жоғары», - делінген ресми хабарламада.

Өткен апатада қымбаттаған тауарлар:

• жұмыртқа, І санат + 1,4%
• пияз + 1,2%

Өткен апта арзандаған тауарлар:

• қарақұмық – 0,2%
• сәбіз – 0,8%
• қант – 0,5%

Республика бойынша әлеуметтік маңызы бар кейбір тауарлардың орташа бағасы:

• күріш келісіне – 332 теңге;
• қанттің бір келісі – 502 теңге;
• сүзбе келісі – 1844 теңге.

Айта кетері, әлеуметтік маңызы бар азық-түлік тауарларының тізбесіне 19 атау кіреді. Соның ішінде түтік кеспе, қарақұмық, күріш, картоп, сәбіз, пияз, орамжапырақ, қант, күнбағыс майы, сиыр мен тауық еті, сүт, айран, жұмыртқа бар.