Қызылордада жоғалып кеткен қыздардың қайдан табылғаны белгілі болды

Қызылордада бірнеше күн бұрын жоғалған екі жасөспірім қыз Шымкенттен табылды. Бұл туралы  қалалық полиция басқармасы хабарлайды.

Бұған дейін Қызылордада 14 пен 16 жастағы екі жасөспірім қыздың жоғалып кеткені хабарланған. Екеуі 8 қарашада сағат 09:00 шамасында белгісіз бағытқа шығып, қайта оралмаған.

«Қызылорда қалалық полиция басқармасының қызметкерлері бірнеше күн іздестіру жұмысын жүргізді. Нәтижесінде жасөспірімдер Шымкент қаласынан аман-есен табылды. Қазіргі таңда жасөспірімдер қалаға жеткізілді. Олармен профилактикалық жұмыс жүргізіліп жатыр», - деп мәлім етті Қызылорда қалалық полиция басқармасы.