Атырауда алып сәби дүниеге келді

Атырауда алып сәби дүниеге келді. Сәбидің салмағы ірі болған соң, кесір тілігі жасалды, деп хабарлайды Bugin.kz порталы облыстық Денсаулық сақтау басқармасына сілтеме жасап.

«Облыстық перинаталды орталықта салмағы 5 келі 700 грамм, бойы 64 сантиметр болатын сәби дүниеге келді. Бүгінде ана мен нәрестенің жағдайы жақсы. Әйел төртінші баласын кесір тілігі арқылы дүниеге әкелді» деп жазылған хабарламада.

Медицинада ұрық салмағы 4 келіден асса – ірі, ал 5 келіден асса – алып саналады. Бұл – биыл Атырау облысында дүниеге келген алғашқы алып сәби.