Қайрат Боранбаевты қамауда ұстау мерзімі тағы ұзартылды

Елордалық тергеу соты бұл шешімді 12 қазан күні қабылдаған, деп хабарлайды Bugin.kz порталы.

"12 қазанда Астана қаласының мамандандырылған ауданаралық тергеу соты күдікті Қайрат Боранбаевқа қатысты қамауға алу түріндегі санкцияланған бұлтартпау шарасының мерзімін 2 айға ұзартты" делінген сот хабарламасында.

Айта кетейік, қазақстандық кәсіпкер Қайрат Боранбаев биыл наурызда қамауға алынған. ҚМА оған қарсы квазимемлекеттік секторда аса ірі көлемде қаражат жымқыру фактісі бойынша қылмыстық іс тергеліп жатқанын хабарлады.

 Қыркүйек айының соңында Боранбаевқа қатысты тергеу аяқталғаны белгілі болды.