Әлем
Сәрсенбі күні Суданның Денсаулық сақтау органдары денге ауруынан 26 адам қайтыс болғанын мәлімдеді. Бұл туралы Синьхуа ақпарат агенттігіне сілтеме жасап, Bugin.kz порталы хабарлады.
Денсаулық сақтау және эпидемиялық бақылау жөніндегі төтенше жағдайлар басқармасының басшысы Монтасир Мұхаммед Османның айтуынша, 9 штатта 26 адам қайтыс болған. Сонымен қатар денге ауруы 462 рет расталып, 3439 болжамды жағдайы тіркелгенін айтты. Ауырғандардың көпшілігі Солтүстік Кордофанда, Батыс Кордофанда және Солтүстік Дарфурда кездеседі.
Министрлік штаттардағы ауру векторымен күресу үшін командалар жіберіп, сондай-ақ адамдарды дәрі-дәрмекпен және донорлық қанмен қамтамасыз етуді тапсырды. Сонымен қатар күнделікті мониторинг пен тергеу жасау керегін талап етті.
БҰҰ қазан айынан бері Суданда денге ауруының 1068 жағдайы тіркелгенін хабарлады.
Құндызай Өтеген
Қосымшаны жүктеп алыңыз
