Украина 2023 жылы зейнетақы мен жалақыны қалай төлейді?

Министрлер кабинеті 2023 жылы Еуропалық Одақтың макроқаржылық көмегі арқылы зейнетақы, бюджеттік қызметкерлердің жалақысы, қоныс аударғандар мен мүгедектерге жәрдемақы төлеуге байланысты барлық әлеуметтік бюджет шығыстары жабылатынына сенімді, деп хабарлайды Bugin.kz порталы.

Үкімет отырысында премьер-министр Денис Шмыгаль 2023 жылға Еуропарламент 18 миллиард еуро көлемінде «макрофин» бөлуді мақұлдағанын еске салды.

«Бұл Украина зейнетақы, бюджет қызметкерлеріне жалақы, қоныс аударғандар мен мүгедектерге көмек және т.б. барлық әлеуметтік бюджет шығындарын өтей алады дегенді білдіреді. Біздің болашағымызға сеніп, ортақ жеңісімізге үлес қосқан еуропалық достарға рахмет», - деді ол.

Үкімет басшысы сонымен бірге АҚШ-тың 4,5 миллиард доллар көлеміндегі грантты көмегін атап өтті. Ол да мемлекеттің украиндықтар алдындағы әлеуметтік міндеттемелерін орындауға жұмсалады.

«Жалпы біз биылдың өзінде америкалық серіктестерден 13 миллиард доллар тікелей бюджеттік қолдау алдық. Бұл қаражат экономиканы нығайтуға және негізгі мемлекеттік қызметтерді көрсетуді қамтамасыз етуге көмектеседі», - деді ол.

Шмыгаль сондай-ақ үкімет Халықаралық қайта құру және даму банкінен тағы 500 миллион доллар тартатынын айтты.

«Бұл - тұрақты мемлекеттік басқаруды қамтамасыз ету үшін мемлекеттік шығындарды қолдауға арналған ірі жобаның бір бөлігі. Біз қаражатты ішкі көші-қон мәселесіне, мұғалімдер мен дәрігерлерге жалақы төлеуге, табысы төмен тұрғындарды қолдауға бағыттаймыз», - деді үкімет басшысы.