Елордада Өзбекстан азаматы есірткімен ұсталды

Елордада есірткі өткізген және сақтаған шетелдік ұсталды, деп хабарлайды Bugin.kz порталы.

«Астана қаласы ПД Экстремизмге қарсы іс-қимыл басқармасының қызметкерлері есірткі өткізгені және сақтағаны үшін ер адамды ұстады. Тінту барысында Өзбекстанның 50 жастағы азаматынан 44,25 грамм гашиш тәркіленді», - деп жазды ІІМ-нен.

Медициналық куәландыру қорытындысына сәйкес, оның есірткі қолданғаны расталды. Күдікті уақытша ұстау изоляторына қамалды.

ҚР Қылмыстық кодексінің 297-бабы бойынша сотқа дейінгі тергеу амалдары жүргізіліп жатыр.