Үш жасар немересімен үсіп қалған ерлі-зайыптыларды жүргізуші жолда түсіріп кеткен - БАҚ

Абай ауданында үш жасар немересі бар ерлі-зайыптыларды жүргізуші көліктен түсіріп кеткен, деп хабарлайды Bugin.kz порталы ABAI NEWS телеграм-арнасына сілтеме жасап.

«Отбасы туыстарының айтуынша, марқұм ер мен әйел үш жасар немересімен қаладан ауылға барған. Сол жақта оларды басқа ауылға қонаққа шақырған. Түннің бір уағында, үйлеріне қайту үшін, олар өз ауылдарына аттанып кетеді. Жүргізуші оларды тастап кетті ме, әлде өздері түсіп қалды ма, туыстары білмейді. Бірақ ауылға 1 шақырым қалғанда, ерлі-зайыпты көліктен түсіп, қолдарына кішкентай баланы алып, жаяу кетеді», - деп хабарлады БАҚ.

ABAI NEWS туыстарының сөздерін былай келтіреді.

«Таңертең олардың мәйіті табылған кезде нағашы апасы ауылдан 50 метр, ал атасы мен немересі 100 метр жерде жатқан. Қазір туыстары адамдардың аязды далада қалу себебін анықтау үшін жүргізушіні іздеп жатыр», - деп хабарлады марқұм отбасының туысы БАҚ-қа сілтеме жасап. Бұл фактіні полиция растады.

Айта кетейік, бастапқыда ABAI NEWS басқа нұсқаны келтірген.

«Жарма ауданы Терістанбалы ауылында қайғылы оқиға болды. Жас отбасы үш жасар баласын ата-анасына қалдырады. Кейін үлкендерді қонаққа шақырады, олар немересін ертіп алады. Сәлден соң әйел үстелден тұрып, сыртқа шығады. Бұл кезде сыртта аяз басталып жатады. Сәлден соң оның артынан кішкентай немересін ертіп күйеуі шығады. Кешкі аязда адамдардың неліктен көшеге шыққаны белгісіз. Өкінішке қарай алдымен әйел құлап, тоңып өлген, кейін күйеуі қайтыс болған. Жергілікті тұрғындардың айтуынша, үш жасар бала көшеде тоңып, бар күшімен айқайлаған, бірақ оны да ешкім құтқармаған».