Спорт
Қатарда өтіп жатқан әлем чемпионатында Аргентина құрамасы финалға өтті, деп хабарлайды Bugin.kz порталы.
Жартылай финалда Аргентина құрамасы Хорватияны 3:0 есебімен жеңді.
Лионель Месси ойынның 34-минутында пенальтидан гол соғып, есепті ашты. Ол үшін бұл гол әлем чемпионатындағы 11-ші гол болды.
Артын суытпай, 39-минутта Альварес Аргентинаның ұпайын екі еселеді. Ал екінші таймның 69-минутында Хулиан Альварес тағы бір мәрте мергендік танытып дубль авторы атанды.
Еске салайық, 15 желтоқсан күні астана уақытымен сағат 1:00-де жартылай финалда Франция мен Марокко кездеседі. Ұтқан құрама Аргентинамен әлем чемпионатының бас жүлдесін сарапқа салады.
Bugin.kz
Қосымшаны жүктеп алыңыз
