Әлем
Гаутам Шантилал Адани (1962 жылы 24 маусымда дүниеге келген) - Bloomberg мәліметтері бойынша 2022 жылдың қыркүйегінде 128 миллиард АҚШ доллары байлығымен әлемдегі ең бай адамдар тізімінде екінші орында тұрған үнді миллиардері.
Шағын тоқыма саудагерінің отбасында дүниеге келген. Adani компаниясын Гаутам Адани 26 жасында құрған.
Компанияның негізгі қызметі - көмір саудасы, дүниежүзілік тауар саудасы және ауыл шаруашылығы өнімдерін өңдеу.
1988 жылы негізі қаланған Adani Group құрамында кеме қатынасы, сауда, ауыл шаруашылығы, тау-кен өнеркәсібі, энергетика, жылжымайтын мүлік, логистика және т.б. салаларда жұмыс істейтін компаниялар бар. Жыл басынан бері топ бөлімшелерінің акциялары кемінде 50%-ға өскенін көрсетеді. Adani Total Gas (96%), Adani Enterprises (90%), Adani Transmission (79%) акциялары белсенді өсуде. Adani Green Energy компаниясының жаңартылатын энергия бөлімшесінің үлесі өткен жылдары 500%-дан астам өсті.
Адани алғаш рет 2008 жылы Forbes-тің миллиардерлер тізіміне шықты, оның байлығы 9,3 миллиард долларды құрады, ал байлығы содан бері 15 есе өсті.
Адани өліммен екі рт бетпе-бет келген. 1997 жылғы адам ұрлау кезі мен 2008 жылғы лаңкестік шабуылдан аман қалды. Үндістандық Times Now басылымының хабарлауынша, 1997 жылы оны бостандыққа шығарар алдында 1,5 миллион доллар төлем ретінде қарумен ұрлап әкеткен. Миллиардер бұл оқиға туралы айтудан тартынады, бірақ 2013 жылы Financial Times газетіне адам ұрлау оның өміріндегі «екі немесе үш өте өкінішті оқиғаның» бірі болғанын айтты. Кейінірек Адани Тәж-Махал Палас қонақүйіндегі мейрамханада ас ішіп отырғанда, лаңкестер 2008 жылы Мумбайдағы лаңкестік әрекеттердің бөлігі ретінде мейрамхананы басып алды. Ол әскерилер ғимаратқа басып кірген кезде ғана қашып кетті.
Адани 60 жасқа толған туған күнінде 7,7 миллиард долларды қайырымдылыққа беруге уәде берді. Оның әйелі Прити Адани Үндістанның ауыл-аймақтарында денсаулық сақтау және білім беру жүйесін дамытуға бағытталған отбасының Adani қайырымдылық қорын басқарады.
Жансая Олжабек
Қосымшаны жүктеп алыңыз
