Абай облысы: Екі бірдей жасөспірім өзіне қол жұмсады

Абай облысы Жарма ауданында 15 жастағы екі оқушы асылып қалды. Оның біреуі құтқарылғанымен, екіншісі көз жұмды, деп хабарлайды Bugin.kz порталы Ulysmedia.kz-ке сілтеме жасап.

Қайғылы оқиға Абай облысы Жарма ауданы Үшбиік ауылында болған. Суицидке барған 9 сынып оқушылары. Олардың біреуі құтқарылғанымен, екіншісі көз жұмды.

Облыстық Полиция департаменті аталған факті бойынша тергеу басталғанын хабарлады.

«Жарма аудандық полиция бөлімімен аталған факті бойынша ҚР Қылмыстық Кодексінің 105-бабы 3-бөлігіне (Өзін-өзі өлтіруге дейін жеткізу) сәйкес сотқа дейінгі тергеп-тексеру амалдары жүргізілуде. Қазіргі уақытта бірқатар сот сараптамасы тағайындалды. Қылмыстық процестік кодексінің 201-бабының 1-бөлігіне сәйкес, өзге мәліметтер және сотқа дейінгі тергеп-тексеру деректері жария етілмейді», - делінген ақпаратта.

Ведомство мәліметінше, тергеу барысы облыс департаменті басшылығының ерекше бақылауында.