Алматы, Астана, Шымкент: Ірі қалалардың аумағы мен халық санының бақылаусыз өсуі проблема тудырып отыр

Ұлттық экономика министрі Әлібек Қуантыров.Қазақстан мегаполистерінің халқы мен аумағы бақылаусыз өсіп жатқанын айтты, деп хабарлайды Bugin.kz порталы.

"Ірі қалалар мен оларға іргелес аумақтардың халық саны бақылаусыз өсіп жатыр. Мәселен, соңғы 10 жылда Астана қаласының халқы 59% - ға, Алматы халқының саны 37% - ға, Шымкент 67% - ға өсті", - деді Қуантыров бейсенбіде Сенаттың жалпы отырысында "агломерацияларды дамыту туралы" заң жобасын ұсынып.

Оның айтуынша, қалалардың аумағы да едәуір өсті: Астана елорда болғалы жер аумағы жағынан үш есеге, Алматы соңғы 10 жылда 2,5 есеге, Шымкент 3,5 есеге өсті. Ірі қалаларда халық саны мен аумағының өсуі бірқатар проблема тудырып отыр.

"Олар: инфрақұрылымның барлық түріне жүктеменің артуы, қаланың шет аймақтарында байланыссыз түрде құрылыс салынуы, егжей-тегжейлі жоспарлардың болмауы немесе дұрыс іске аспауы, ыңғайлы көлік жүйесінің болмауы, инфрақұрылымдық, өнеркәсіптік объектілердің тапшылығы сияқты, т.б. проблемалар",- деді министр.