Bugin
2023 жылы жеңілдетілген автонесие бағдарламасы іске қосылады. Бұл туралы Қазақстан даму банкінің баспасөз қызметі айтты, деп хабарлайды Bugin.kz порталы «Адырна» сайтына сілтеме жасап.
«Азаматтарға ыңғайлы болу, тең жағдайларды қамтамасыз ету және халықты көбірек қамту үшін қолданыстағы екі бағдарламаның үздік нұсқалары қолданылатын болады. Бұдан басқа, бұл қазақстандықтарға бірыңғай және ашық қағидалар бойынша отандық өндірістің жаңа автомобильдерін сатып алу үшін көбірек қаражат ұсына отырып, қаражат ағындарын біріктіруге мүмкіндік береді. Сондай-ақ орталықтандырылған бақылауды қамтамасыз ету үшін бұдан әрі бағдарлама бойынша қаражаттың бір ғана операторы ретінде Даму Банкін қалдыру көзделеді», - делінген хабарламада.
Қазіргі уақытта бағдарламаларға қатысатын екінші деңгейлі банктер қолданыстағы кредиттерді өтеуден түсетін төлемдерді жинақтау процесін жүзеге асыруда. Револьверлік тетік негізінде жеңілдікті қарыздар беруді бастау 2023 жылғы қаңтардың екінші жартысында күтіледі.
Мәулен Жексенбі
Қосымшаны жүктеп алыңыз
