Күдебаевтың қарулы күзетпен қашуы, Алматы әуежайы: Қаңтар оқиғасының тың видеолары пайда болды

Мәжілісте қаңтар оқиғасы туралы жаңа деректі фильм көрсетілді. Кадрларда, атап айтқанда, сол кезде Алматы облысы полициясының басшысы болған Серік Күдебаевтың өзі күзетуге тиіс департамент ғимаратынан қарулы күзетшілермен қалай шығып кеткені көрсетілген, деп хабарлайды Bugin.kz порталы.

«Қаңтар оқиғасы кезінде бірқатар облыста ҰҚК жергілікті бөлімшелері мен ішкі істер департаменттерінің басшылары қарамағындағыларға жұмыс орындарынан кетуге бұйрық берді. Мысалы, деректі фильмдегі кадрлардан Алматы қаласы Ішкі істер департаменті бұрынғы бастығының қалай әрекет еткенін көруге болады. Сол кезде комендант болған облыс Күдебаев полиция ғимаратынан шығып кетеді» делінген хабарламада.

Сондай-ақ видеода Алматы әуежайының ғимаратын басып алудан жарты сағат бұрын тәртіп сақшыларының «үйлеріне таралсын» деген бұйрық келгені айтылады.

Мәжілісте жалпы отырыс өтіп, онда Бас прокурор Берік Асылов пен Ішкі істер министрі Марат Ахметжанов «Жаңа Қазақстан» депутаттық тобының 2022 жылғы қаңтардағы қайғылы оқиғаға қатысты сауалына жауап берді.

Отырыс барысында Асылов қаңтар оқиғасы кезінде шабуыл жасағандарға қарсы оқ Елбасы сөз сөйлегенге дейін ашылғанын айтты. Бас прокурор ҰҚК-нің бұрынғы төрағасы Кәрім Мәсімов пен оның бұрынғы орынбасарлары Әнуар Садықұлов пен Дәулет Ерғожинге қатысты қозғалған істерге тоқталып, қаңтар оқиғасындағы «Дикий Арман» лақап атымен танымал Арман Жұмагелдиевтің рөліне тоқталды.

Еске салайық, 2022 жылдың сәуір айының басында Күдебаевтың қаңтар оқиғасы бойынша қылмыстық іске қатысы бар екені хабарланған. Бұған бас прокуратураның қадағалау органы бірқатар облыстағы ҰҚК мен полиция департаменттері ғимараттарының, Алматы әуежайының қараусыз қалдырылуына қатысты тексеру жариялағаны себеп болды. Аталған органдардың басшылары күдікті деп танылғаны айтылды.

Кейінірек белгілі болғандай, қаңтар оқиғасы бойынша Алматы облысы полиция департаментінің бұрынғы басшысы Серік Күдебаев күдікті ретінде танылған.