Білім

Бүгін Қазақстанның қай өңіріндегі оқушылар мектепке бармайды?

Авторларды қолдау орталығы

mediabugin@gmail.com

Фото: Inform.kz

Қазақстанның бірқатар өңірінде қолайсыз ауа райына байланысты оқушылар бірінші ауысымдағы сабақты қашықтан оқиды, деп хабарлайды Bugin.kz порталы ҚазАқпарат сайтына сілтеме жасап.

Абай облысында 9 қаңтар күні Семей және Курчатов қалаларында, Бесқарағай, Аягөз аудандарында бірінші ауысымның 1-11-сынып оқушылары және колледж студенттері онлайн білім алады. Қалған аудандарда сабақ әдеттегідей офлайн режимде өтеді.

Шығыс Қазақстанның Глубокое ауданында 0-11-сынып оқушылары үйде қалады.

Қостанай облысында облыс орталығы мен Рудныйда, Амангелді, Жангелдин, Жітіқара аудандарында балалар мектепке бармайды.

Сонымен қатар Павлодар, Солтүстік Қазақстан және Ұлытау облыстарында35 градус аязға байланысты 0-11-сынып оқушылары және колледждің 1,2-курс студенттері қашықтан оқиды.

Одан бөлек Ақмола облысының Көкшетау қаласында да 0-11-сынып оқушылары үйде қалды.

Еске сала кетейік, кеше Астанада 9-сыныпқа дейінгі оқушылар онлайн форматқа ауысатыны хабарланған.