40-тан астам адам қаза тапқан: Перудағы өлімге әкелген наразылық

Перудегі наразылық кезінде 40-тан астам адам қаза тауып, жүздеген адам жарақат алды, деп хабарлайды Bugin.kz порталы.

Наразылық неден басталды? 

Бұрынғы президент Педро Кастильо сыбайлас жемқорлыққа қатысты айыптауларға байланысты импичмент жарияламау үшін Конгрессті заңсыз таратуға тырысқаннан кейін көтеріліс жасады деген айыппен 7 желтоқсанда қамауға алынды. 
 
Оның биліктен кетуі және қамауға алынуы демонстранттар мен қауіпсіздік күштері арасында бірнеше күнге созылған қақтығысты тудырды. 
 
Апуримак, Ла Либертад, Пуно, Жунин, Арекипа және Аякучо аймақтарында шиеленіс күшейіп кетті. Бір аптаға созылған ереуіл әсерінен кәсіпорындар жабылды. 
 
Қантөгістің басым бөлігі Кастильо жақтастары бастаған наразылық қозғалысы вандализм мен тонау жағдайында бүкіл елдегі жолдар мен әуежайларды парализациялаған кезде болды. 
 
Үкімет өзінің қауіпсіздік күштерінің әрекетін қорғап, олар мыңдаған демонстранттың төңкеріс жасау әрекетіне тосқауыл қойды деп мәлімдеді. 
 
Наразылық білдірушілердің мақсаты не?
 
Наразылық білдірушілер мерзімінен бұрын сайлау өткізуді, Перудің жаңа президенті Дина Болуартенің отставкаға кетуін және Кастильоны босатуды талап етуде. 
 
Перудің бас прокуроры президент Дина Болуартеге, премьер-министр Альберто Отаролаға және елдің қорғаныс және ішкі істер министрлеріне «геноцид, кісі өлтіру және ауыр жарақаттар» айыптары бойынша тергеу жүргізе бастады.