Семейде бір айдан бері ер адам үйіне оралмаған

Семейде із-түзсіз жоғалған ер адам бір айдан бері іздестіріліп жатыр, деп хабарлайды Bugin.kz порталы.

Полиция қызметкерлері хабар-ошарсыз кеткен Алтай Болатовтың орналасқан жерін анықтау бойынша жедел-іздестіру шараларын өткізді.

«27 желтоқсанда полицияға 70 жастағы қала тұрғыны 1992 жылы туған ұлы Алтай Болатовтың үйіне оралмағанын айтып арызданған. Полиция қызметкерлері оның жүрген жерін анықтау мақсатында жедел-іздестіру шараларын жүргізіп жатыр. Қазір 30-ға жуық қызметкер жұмылдырылған. Ер адамның психикалық ауытқуы бар болғандықтан, есін білмеуі мүмкін», - деп хабарлады Абай аудандық ішкі істер бөлімі.

Дереккөз: nege.kz