Балаларының көзінше әйелінің басын жарған ер адамға қандай жаза берілетіні белгілі болды

Балаларының көзінше жұбайының бас сүйегін сындырған ер адам 6 жыл 8 айға бас бостандығынан айырылды, деп хабарлайды Bugin.kz порталы.

Жәбірленуші айыпталушыны 8 жылға бас бостандығынан айыруды сұрады. Прокурор моральды залалды екі миллион теңгеге бағалады, ал Алтынай мен оның отбасы операцияға, жолға және емделуге 12 миллион теңге жұмсаған.

Жәбірленушінің адвокаты сотталушы үшін ең ұзақ мерзімді, материалдық залал мен моральдық залалды толық өтеуді сұрады, ол шығындарды 100 миллион теңгеге бағалады.

Астана қаласы Есіл ауданы №2 сотының судьясы Адель Ешмагамбетова барлық тарапты тыңдап, айыпталушыны 6 жыл 8 айға бас бостандығынан айырды. Ол талап бойынша моральды зиян 4 000 000 теңге көлемінде өндірілетінін атап өтті. Үкім заңды күшіне енген жоқ.

Еске салсақ, астаналық ер адам 2022 жылдың 17-18 наурызы аралығында отбасындағы жанжал кезінде балаларының көзінше әйелінің басын жарған. Соның кесірінен келіншек басынан ауыр жарақат алып, үш рет ота жасаған. Келіншек балаларының өмірі мен денсаулығы үшін ғана емес, жұбайының тиісті жазасын алмауынан да қорқатыны хабарланған.

Дереккөз: Elitar.kz