Bugin

Министрлік марқұм сарбаздың адвокатын жасаған мәлімдемесі үшін жазаламақ

Авторларды қолдау орталығы

mediabugin@gmail.com

Фото: ашық дереккөз

Өз-өзіне қол жұмсауға жеткізді деп айыпталғанның мүддесін қорғаушы, адвокат Сержан Пірәлиев қылмыстық істің деректерін жария еткені үшін жазалануы мүмкін, деп хабарлайды Bugin.kz порталы Zakon.kz сайтына сілтеме жасап. 

20 қаңтарда адвокат әскерге шақырылушының өз-өзіне қол жұмсау фактісі бойынша баспасөз конференциясын өткізді. Ол ДНК талдау кезінде анықталған фактілерге тергеушілердің назар аударуын сұрады. Сондай-ақ Пірәлиев сарапшылар марқұмның аузынан ер адамның биоматериалын тапқанын айтты.

«Пірәлиев өз тұжырымдары мен шындыққа сәйкес келмейтін жалған ақпаратты айтып, қылмыстық істің деректерін жария етті. Сонымен бірге ҚПК-нің 201-бабына сәйкес сотқа дейінгі тергеп-тексеру деректері жария етілмеуге тиіс. Осыған байланысты адвокаттың қызметтік этика нормаларын бұзу фактісі бойынша материалдар қылмыстық қудалау органында белгіленген тәртіппен тіркеліп, уәкілетті орган – Қазақстан Республикасы әділет министрлігіне қызметтік тергеу жүргізу үшін жолданды» делінген хабарламада.

Айта кетсек, 2022 жылы 19 тамызда Жамбыл облысы Жамбыл ауданында орналасқан Шөлдала шекара бөлімшесінде әскери қызметші өз-өзіне қол жұмсаған. Ол белбеуіне асылулы тұрған күйінде табылып еді.