"48 секундта үлгермеді": Жеңілдетілген автонесиеге өтінім беру қалай өтті?

Tengrinews.kz тілшілері autonesie.kz пилоттық платформасында жеңілдетілген автонесие алуға өтініш берді. Алайда ешқайсы бағдарламаға қатысуға ниет білдірген 761 үміткер қатарына іліге алмады, деп хабарлайды Bugin.kz порталы.

Уәде етілгендей, 6 ақпанда Астана уақыты бойынша тура сағат 10:00-де өтініштерді қабылдау басталды. Сайт қызметкері autonesie.kz сайтында авторизацияны 3-5 секундтан кейін бастады. Өтініштің барлық тармақтарын толтырып, өтінішке қол қоюға тура 48 секунд қажет болды. 

Алайда жеке кабинетке кіріп, деректерді тексерер кезде, сайтта қате туралы ақпарат шыққан. Біраз уақыттан кейін мынадай хабарлама пайда болды:

"Өтінім қабылданбады. Автоөндіруші үшін тегін қаржыландыру лимиті болмауына байланысты өтінімдерді қабылдау тоқтатылды. Жаңа өтінім қабылдау кезеңін күтіңіз".

Сондай-ақ автониесиеге өтінім бергендердің арасында өтінім беруге көңілі толмағандардың қарасы көп.

"Автонесие - кезекті алаяқтық. Сайт өтінішке қол қоюға мүмкіндік бермеді. Мен бәрін 30 секундта жасадым, қол қою кезінде қате шығарды. Осыдан кейін сайт бос орындар таусылды деп жазды. Мен мәселені көрсетуді және ӨДҚ-ны түсініктеме беруге шақыруды сұраймын", - деп жазуда олар.

Осыған байланысты Tengrinews.kz редакциясы түсініктеме алу үшін жеңілдетілген автонесие бағдарламасының операторы саналатын Қазақстан даму банкінің баспасөз қызметіне жүгінді.

Сонымен қатар eGov порталының жұмысында да ақаулар байқалған. Бұл көп адамның ЭСҚ-ның өзектілігін тексеруге тырысқанымен байланысты болуы мүмкін. eGov әзірлеушілері сайтты қалпына келтіруге уәде береді.

"Портал қазір қолжетімсіз, оны қалпына келтіріп жатырмыз. Кешірім сұраймыз!" – делінген хабарламада.