Израиль Газадағы ХАМАС кешеніне соққы берді

Демалыс күндері Палестина анклавынан жасалған зымырандық шабуылдарға жауап ретінде Израиль дүйсенбі күні Газаға әуе шабуылдарын бастады, деп хабарлайды Bugin.kz порталы ҚазАқпарат агенттігіне сілтеме жасап.

Израильдің әуе шабуылы сенбі күні Газа секторынан израильдік елді мекендерге зымыран ұшыруына жауап болды.

"Сенбі күні Газа секторынан Израильге зымыран ұшыруға жауап ретінде ЦАХАЛ жойғыш ұшақтары ХАМАС лаңкестік ұйымына тиесілі зымырандар жасау үшін пайдаланылатын шикізаты бар жерасты нысанына түнде шабуыл жасады», - делінген Израиль қорғаныс күштерінің мәлімдемесінде.

Израиль әскерилерінің хабарлауынша, Газа шекарасына жақын елді мекендерге жасалған әуе соққыларынан кейін әуе шабуылының сиреналары естілген. Сондай-ақ Израиль әскерилері барлық жауапкершілікті палестиналық Хамас тобына жүктеді.

  "ЦАХАЛ ХАМАС-ты Газадан шыққан барлық лаңкестік әрекеттерге жауапты деп санайды және ол Израильге қарсы қауіпсіздікті бұзудың салдарымен бетпе-бет келеді", - деді израильдік әскерилер.

Бұдан басқа, палестиналық WAFA ақпарат агенттігінің хабарлауынша, Израиль артиллериясы Газа секторының солтүстігіндегі Бейт-Ханун қаласының батысындағы бір нысанға және ауылшаруашылық алқаптарына үш рет оқ жаудырып, айтарлықтай шығын келтірген. Сонымен бірге Палестинаның Қызыл Жарты жарты ай ұйымы Израиль армиясының таң атар алдында Иордан өзенінің Батыс жағалауындағы Наблуста жасаған шабуылында бір адамның қаза тауып, жеті адамның жараланғанын хабарлады.
Израиль қорғаныс күштері Наблус рейдіне қатысты әзірге түсініктеме берген жоқ.
Бүгінде Палестина-Израиль қақтығысы тағы да шиеленісіп жатыр. Қақтығыс салдарынан жыл басынан бері 47 палестиналық, оның ішінде содырлар мен бейбіт тұрғын қаза тапты, деп хабарлайды AFP.