Кәрім Мәсімовке операция жасалды

Кәрім Мәсімовке операция жасалды. Ол Астанадағы сот процестерінің бірінде құлап қалған. Мәсімов ауруханаға жедел жәрдем көлігімен жеткізілді, деп хабарлайды Bugin.kz порталы.

Көптеген халықаралық мәлімдеме мен Біріккен Ұлттар Ұйымының ерікті ұстау жөніндегі жұмыс тобы Мәсімовті дереу босатуға шешім қабылдағанына қарамастан, оның бір жылдан астам түрмеде отыруы алаңдатарлық жағдай. Ол сот процесінде құлап, 30 қаңтарда операция жасатуға мәжбүр болды, – деп хабарлады Мәсімовтің пиар қызметі.

Кәрім Мәсімов 6 ақпан күні түрмеге қайтарылған.

Еске салайық, ҰҚК экс-басшысының соты Астанада өткен президент сайлауының алдында басталған болатын.