ШҚО-да жантүршігерлік жол апатынан бірнеше адам көз жұмды

13 ақпан Өскемен-Рахман қайнары республикалық маңызы бар автожолында Топқайын және Катонқарағай ауылдары арасында ВАЗ-208 және Lada Granta автомобильдері соқтығысты, деп хабарлайды Bugin.kz порталы.

Polisia.kz сайтының мәліметінше, жол апаты салдарынан ВАЗ-2108 көлігінде болған 87 жастағы жолаушы оқиға орнында қайтыс болған. ВАЗ-2018 көлігінің 19 жастағы жүргізушісі және Lada Granta-дағы кәмелетке толмаған жолаушы Катонқарағайдағы ауруханада көз жұмды.

ҚР қылмыстық кодексінің 345-бабы 4-бөлігі бойынша сотқа дейінгі тергеу басталды.

Бірқатар сот сараптамасы тағайындалды, олардың нәтижесі бойынша процестік шешім қабылданады.

ҚПК-нің 201-бабының 1-бөлігіне сәйкес сотқа дейінгі тергеп-тексерудің өзге деректері жария етілмейді.