Жетісу облысында 17 жастағы жасөспірім екі танысын пышақтап тастаған

Жетісу облысында жасөспірім екі адамды пышақтаған, деп хабарлайды Bugin.kz порталы Almaty.tv сайтына сілтеме жасап.

Оқиға осыдан төрт күн бұрын Көксу ауданы Балпық би ауылында болған. Жасөспірім 17 және 18 жастағы жергілікті тұрғын бірнеше жарақаттаған. Зардап шеккендерді облыстық ауруханаға жеткізген. Олардың жағдайы тұрақты. Алайда біреуі жансақтау бөлімінде жатыр.

"Жәбірленушілерді 17 жастағы танысы жарақаттағаны анықталды. Күдікті ұсталып, қамауға алынды. Аталған факті сотқа дейінгі тергеп-тексеру қылмыстық кодекстің 24 және 99-бабына сәйкес жүргізіледі", – деді Жетісу облыстық полиция департаментінің ресми өкілі Меруерт Темірханова.