"Титаникті" құрастырған компания жұмысын қайта бастайды

1912 жылы "Титаник" кемесін құрастырған Белфасттағы Harland and Wolff кеме жасау зауыты жұмысын қайта бастайды, деп хабарлайды Bugin.kz порталы Financial Times басылымына сілтеме жасап.

Үш жыл бұрын британдық кәсіпкер Джон Вуд кеме жасау зауытын алты миллион фунтқа (7,3 миллион доллар) сатып алған. Қаңтар айында компания испандық кеме жасаушы Навантия басқаратын консорциумға үш әскери көлік кемесін салу үшін 1,6 миллиард фунт стерлинг (шамамен 1,8 миллиард доллар) келісім-шарт берді.

"Жаңа келісім-шарттар өндіріс қуатын арттыруға және 700-ге дейін қосымша жұмыс орындарын құруға көмектеседі" -, деп түсіндірді Вуд.

1861 жылдан бастау алған "Harland and Wolff" жақында шетелдік бәсекелестікке ілесу үшін күресті. 2003 жылы верфтен шыққан соңғы кеме Ұлыбританияның Қорғаныс министрлігінің Anvil Point паромы болды. Соңғы жылдары компания кемелер мен мұнай бұрғылау қондырғыларын жөндеуге маманданған, сонымен қатар күрделі қаржылық қиындықтарды бастан кешірді.