Түркияда үйінді астында 11 күн жатқан қыз құтқарылды

Түркияның Хатай провинциясында жойқын жер сілкінісінен 248 сағат өткен соң 17 жастағы қыз құтқарылды, деп хабарлайды Bugin.kz порталы Anadolu агенттігіне сілтеме жасап.

Портал мәліметінше, Алейна Олмез Кахраманмараш қаласындағы Каябашы ауданындағы тұрғын үйдің қирандыларының астында 11 күн бойы жатқан.

"Алғашқы көмек көрсеткеннен кейін дәрігерлер оны ауруханаға жіберді", - делінген хабарламада,

Апат аймағында іздеу-құтқару жұмыстары 11 күннен бері жалғасып жатыр. Қазіргі уақытта жер сілкінісінен қаза тапқандар саны 36,1 мыңнан асты.