Түркияға көмекке барған құтқарушылардың тағы бір тобы елге оралды

Астанада Түркиядан келген құтқарушыларды күтіп алды, деп хабарлайды Bugin.kz порталы.
 
Төтенше жағдайлар министрлігінің мәліметінше, Газиантеп қаласындағы жойқын жер сілкінісінен кейін көмекке барған қазақстандық құтқарушылардың екінші эшелоны елге аман-есен оралды.

"ТЖ министрі Юрий Ильин және Түркияның Қазақстандағы Төтенше және Өкілетті Елшісі Уфук Экиджи құтқарушыларымызды күтіп алды және атқарған жұмысы үшін алғысын білдірді" делінген хабарламада.

Қазақстан ТЖМ құтқарушылары 7 адамды құтқарды. Қаза тапқан 88 адамның денесін шығарды.