40 жастағы ер адамды өз туысы өлтіріп тастағаны анықталды

Қостанай облысында 40 жастағы ер адамды өз туысы өлтіріп тастады, деп хабарлайды Bugin.kz порталы Polisia.kz сайтына сілтеме жасап.

18 ақпан аудандық ауруханаға таңғы сағат 05:00 шамасында бас жарақаты бар 40 жастағы ер адам жеткізілді. Ол ауруханада жансақтау бөлімінде қайтыс болды.  

Белгілі болғандай, жәбірленушіге осы күні оның 23 жастағы алыс туысы келген. Олардың арасындағы ұрыстан кейін 40 жастағы ер адам ауруханаға түсті.  

Күдікті қылмыс орнында ұсталды. ҚР ҚК 99-бабы 1-бөлігі "Кісі өлтіру" бойынша сотқа дейінгі тергеп-тексеруді бастады.