Ақтөбе қаласында мектеп өртенді

Бүгін Ақтөбе қаласындағы №23 орта мектеп-лицейінен өрт шықты. Бұл туралы Bugin.kz порталы төтенше жағдайлар министрлігінің баспасөз қызметіне сілтеме жасап хабарлайды.

Ведомство мәліметінше, сағат 08:01-де 112 құтқару қызметіне өрт шыққаны туралы хабарлама келіп түскен. Аталған жерге тез арада 53 құтқарушы мен 14 бірлік техника жіберген.

"Шақырту орнына құтқарушылар жеткен кезде 1-қабатта орналасқан кабинет жанып жатқан. Құтқарушылардың жедел әрекетінің арқасында мектеп-лицейден 890 оқушы  60 ересек адам эвуакацияланды" делінген хабарламада.

Өрт сағат 08:12-де толықтай сөндірілді. Зардап шеккендер жоқ. Өрттің шығу себебі қысқа тұйықталу екені айтылды.