Елордадағы мейрамханаларға иттің еті ірі көлемде жеткізіліп тұрған

Қазақстандағы жануарларды қорғау қауымдастығының еріктілері ірі мөлшердегі ит етін сатушыларды анықтады, деп хабарлайды Bugin.kz порталы.

Олар сатып алушының атын жамылып Ақмола облысындағы адамдармен сөйлескен. Сол әңгіменің үзіндісі қауымдастықтың Instagram-дағы парақшасында жарияланды.

Жануарларды қорғау қауымдастығының мәліметінше, иттерді жебемен өлтіріп, кейін сойып, тоңазытқыштарда сақтаған. Сонымен қатар, көпес «тауарды» тек қана үлкен көлемде, яғни шамамаен 100-200 килограммен сатады.

"Менсіз бірде-бір ит Астанаға қашпайды. Улысы (еттегі улы зат – Ред.) жоқ. Сіз бұл туралы алаңдамаңыз. Менен жарты қала алды, ешкім өлмейді. Мен оларды өзім де жеймін. Мен мұны алты жыл бойы істеп келемін және не және қалай екенін білемін", - деді ол әңгімеде.

Еріктілердің айтуынша, полиция қызметкерлері ер адамды ұстап, қару мен 750 келіден астам ит етін тәркілеген. ҚР Қылмыстық кодексінің 316-бабы "Жануарға қатыгездікпен қарау" бойынша қылмыстық іс қозғалды.

Ішкі істер министрлігі жақын арада түсініктеме беруге уәде берді.