Ақтөбеде жантүршігерлік жол апатынан бірнеше адам көз жұмды

Ақтөбе облысында жол апатынан 4 шетелдік қаза тапты, деп хабарлайды Bugin.kz порталы.

Polisia.kz мәліметінше, 4 наурызда Солтүстік айналма жолда КамАЗ жүк көлігі мен Cobalt жеңіл автокөлігінің қатысуымен ЖКО болды.

Салдарынан жеңіл автокөліктің жүргізушісі мен үш жолаушы, барлығы Өзбекстан Республикасының азаматтары, оқиға орнында көз жұмды.

Сотқа дейінгі тергеу басталды және ЖКО-ның мән-жайы анықталып жатыр.