Түркістан облысында өзеннен үш жасар баланың мәйіті табылды

Түркістан облысы Боралдай ауылдық округында үш жасар баланың мәйіті өзеннен табылды деп хабарлайды Teznews.kz порталы Otyrar сайтына сілтеме жасап. 

Алдына ала мәлімет бойынша 2020 жылы туған бала 4 наурызда шомылуға арналмаған орында суға түсіп кеткен. 

"4 наурызда 18:00-де Түркістан облысы ТЖД "112" пултіне Боралдай ауылдық округы Жоғарғы Боралдай ауылының тұрғындары судан 2020 жылы туған баланың мәйітін шығарғаны туралы ақпарат келіп түсті", – делінген хабарламада. 

ТЖД өзеннің тұрғын үйге жақын екенін мәлімдеді. 

"Оқиға орнына Түркістан облысы ТЖД қызметкерлері, полиция департаментінің жедел-тергеу тобы жіберілді", – деп қосты ведомство өкілдері.