Атырауда мал іздеймін деп, жоғалып кеткен екі адамның жағдайы белгілі болды

Атырау облысы төтенше жағдайлар департаментінің қызметкерлері мал іздеуге шығып, жоғалып кеткен екі ер адамды құтқарды. Бұл туралы Bugin.kz порталы ведомствоның баспасөз қызметіне сілтеме жасап хабарлайды.

Ақпаратқа сүйенсек, 9 наурызда сағат 11:30 шамасында 1969 және 1965 жылдары туған азаматтар ТРЭКОЛ автокөлігімен Атырау қаласының Алғабас селосынан 50 шақырым жерге мал іздеуге шығып кетіп, кері байланысқа шықпаған. 10 наурызда сағат 13:25-тен бастап Атырау облысы ТЖД қызметкерлері іздестіру-құтқару жұмыстарын жүргізген.

"Сағат 17.47-де Атырау облысы ТЖД қызметкерлері жоғалған азаматтарды тауып, қауіпсіз аймаққа жеткізіп, туысқандарына  тапсырды. Азаматтардың жағдайы жақсы, медициналық көмекті қажет етпейді" делінген хабарламада.

Іздестіру-құтқару жұмыстарына Атырау облысы ТЖД қызметкерлері мен техникасы, «Қазавиақұтқару» АҚ тікұшағы мен тәжірибелі экипажы жұмылдырылған.