Талдықорғанда балаларды аңдыған ер адамға іздеу жарияланды

Талдықорғанда балалардың соңынан ілесіп, аңдыған ер адамға іздеу жарияланды, деп хабарлайды Bugin.kz порталы Жетісу облыстық полиция департаментінің баспасөз қызметіне сілтеме жасап.

Бөтен ер адамның балалардың ізінен қалмай аңдығанын айтып, ата-аналар шағымданған.

Мүмкіндігінше көп ата-ана хабардар болсын. Төртінші шағын ауданда 14 және 16 мектептердің жанында бір ер адам жүреді, балалардың денесіне қол жүгіртеді. Ұзын бойлы, арықша келген. Шамамен 30-40 жаста, үнемі көк күртеде жүреді. Ол сондай-ақ 28, 29, 30,32 үйлердің аулаларында да жүреді, - деп тұрғындар дабыл қақты.

Полиция бұл ақпаратты назарға алғанын айтады.

Бұл ақпаратты біз бақылауға алдық. Полиция қызметкерлері тексеру бастады. Ақпаратқа сай заңды шаралар қолданылады, - деп мәлімдеді ведомство.