Ораза кезінде адам ағзасы қандай өзгерістерге ұшырайды?

Ораза ұстаған адамның ағзасы көптеген өзгерістерге ұшырайтыны сөзсіз. Бір күннің тең жартысында ашығу өз кезегінде әсерін тигізбей қоймайды. Осыған байланысты Bugin.kz порталы ораза кезіндегі біздің ағзамызда қандай өзерістер болатынын зерттеп көрді.

Оразаның алғашқы күндерінде қандағы қант деңгейі де, қан қысымы да төмендейді. 

Одан бөлек, денеде тазалану процесі басталады. Бұл кезең ең қиын болып саналады, өйткені алғашқы күндер жиі бас ауруы, бас айналуы және жүрек айнуы болады. Тіпті аштық та қатты сезілуі мүмкін.  Бірақ бұл уақытша ғана. 

Екінші кезеңде ағза оразаға үйрене бастайды, ас қорыту жүйесі демалып, барлық күш тазалануға және емделуге жұмсалады. Иммунитет жүйесінің белсенділігі артады. 

Ең жақсы тұсы, одан кейін өзіңізді сергек сезініп, күш-қуатыңыз арта түседі. Ой-санаңыз тынығып, есте сақтау қабілетіңіз артады. 

Денедегі артық заттар кеткен соң, ағзаңыз екі есе жақсы жұмыс жасайды. 

Ораза денеге өз ресурстарын барынша пайдалануға және денені микроскопиялық деңгейде жөндеуге назар аударуға мүмкіндік береді. Өйткені ДНҚ мен РНҚ денеге қажет ақуыздар мен тіндерді қайта жазуда тиімдірек болады. Бұл жаңартылған ақуыз синтезі сау жасушалардың, тіндердің және органдардың болуына әкеледі.