Қайрат Боранбаев сотта соңғы сөзін айтты

«Азиягаз Чунджа» компаниясының тең құрылтайшылары Қайрат Боранбаев пен Роман Наханов, сондай-ақ Qazaq Gaz ұлттық компаниясының Басқарма төрағасының бұрынғы орынбасары Тайыр Жанұзақ сотта соңғы сөз сөзін айтты.

Боранбаев VIII сайланған Парламенттің бірінші сессиясының ашылуында Президент Қасым-Жомарт Тоқаевтың: «әрбір азаматтың өз құқықтарын қорғауға сенімді болуы, соттардың әділдігіне күмәнданбауы маңызды» деген сөздерін мысалға келтірді.

«Біздің ісімізде жалаң ұран жоқ, біздің мәмілеміз тек коммерциялық сипатта. Тергеу басталғаннан бері мен АзияГазЧунджа мен Qazaq Gaz арасындағы мәмілені коммерциялық және заңды деп санадым, бірақ мен қателескен шығармын. Сондықтан, егер Qazaq Gaz атынан мемлекет бұл мәміледен шын мәнінде залал келтірілді деп есептесе, онда мен өтеуге дайынмын. Бүгінде келтірілген залал толық көлемде өтелді. Мен заңды шешім қабылдайды деп үміттенемін» деді Боранбаев.

Тайыр Жанұзақ өзінің үздік оқушы, «Алтын белгі» иегері болғанын және қылмыстық процесс басталғанға дейін табысты мансап құрғанын айтты. Қазір ол ұл мен қыз тәрбиелеп отыр, жұбайымен ажырасқаннан кейін балалардың бірі онымен бірге тұрады. Айыпталушы өзінің кінәсін мойындамайды және соттан әділ үкім шығаруды сұрады.

Роман Наханов үш айда айыпталушылардың кінәсін растайтын ешқандай дәлелдер болмағанын айтты.

Дереккөз: orda.kz