ШҚО-да жол апаты болып, жерге күкірт қышқылы төгілді

Өскемен-Алтай-Катонқарағай-Үлкен Нарын-Рахманов қайнары тасжолында жүк көлігі аударылды. Цистернада күкірт қышқылы болған, деп хабарлайды Bugin.kz порталы Altaynews сайтына сілтеме жасап.

Облыс экология департаменті оқиғаның мән-жайын айтты. Жүк көлігі тасжолдың 136-шы шақырымында жеңіл көлікпен соқтығысып аударылған.

«Цистернадан жерге шамалы ғана күкірт қышқылы төгілді», - дейді облыстық экология департаментінің өкілдері.

Мамандар күкірт қышқылының құрамын және топыраққа қаншалықты сіңгенін анықтау үшін сынама алды.