Елордада күрес түрлерінен Азия чемпионаты басталады

Бүгін Астана қаласында грек-рим, еркін және әйелдер күресінен ересектер арасында Азия чемпионаты басталады, деп хабарлайды Bugin.kz порталы ҚазАқпарат-қа сілтеме беріп.

Елордадағы Жақсылық Үшкемпіров атындағы Жекпе-жек сарайында өтетін сайыс бес күнге созылады. Оған Азиядағы 24 елден 300-ден аса спортшы қатысады деп күтілуде. Олардың қатарында Олимпиада, әлем және Азия чемпиондары бар.

Құрлықтық доданы грек-рим күресінің шеберлері бастайды.

Грек-рим күресінен ел құрамасы:

55 келі Аманғали Бекболатов (Солтүстік Қазақстан облысы),

60 келі. Ернұр Фидахметов (Шығыс қазақстан облысы)

63 келі - Мұхамедәлі Мамырбек (Шымкент қаласы)

67 келі - Алмат Кебіспаев (Қарағанды облысы)

72 келі - Ибрагим Магомадов (Қарағанды облысы)

77 келі - Демеу Жадыраев (Алматы облысы)

82 келі - Диас Қален (Жетісу облысы)

87 келі - Нұрсұлтан Тұрсынов (Абай облысы)

97 келі - Олжас Сырлыбай (Қызылорда облысы)

130 келі - Әлімхан Сыздықов (Шымкент қаласы).

Ал 11-12 сәуір әйелдер күресінен сайыстар өткізіледі. 11 сәуірде 50, 55, 59, 68, 76 келідегі балуандар күрессе, 12 сәуірде 53, 57, 62, 65, 72 келі салмақта балуандар бақ сынайды.

Еліміздің әйелдер құрамасы:

50 келі - Эллада Махяддинова (Ақмола облысы)

53 келі - Алтын Шағаева (Алматы облысы)

55 келі - Марина Седнева (Алматы облысы)

57 келі - Нилуфар Раимова (Түркістан облысы)

59 келі - Диана Каюмова (Астана қаласы)

62 келі - Ирина Кузнецова (Ақмола облысы)

65 келі - Альбина Қайыргелдинова (Ақмола облысы)

68 келі - Елена Шалыгина (Шымкент қаласы)

72 келі - Жамила Бақбергенова (Астана қаласы)

76 келі - Эльмира Сыздықова (Қарағанды облысы).

Сәуірдің 13 мен 14 аралығында еркін күреспен жарыс өз мәресіне жетпек. 13 сәуірде 57, 65, 70, 79 және 96 келіге дейінгі салмақ дәрежесіндегі балуандар өнер көрсетсе, одан кейін 61, 74, 86, 92 және 125 келіге дейінгі салмақ дәрежедегі спортшылар күреседі.

Еркін күрестен ұлттық құрама:

57 келі - Рахат Қалжан (Жамбыл облысы)

61 келі - Нұрболат Әбдуалиев (Түркістан облысы)

65 келі - Мұхтар Санжар (Жамбыл облысы)

70 келі - Санжар Досжанов (Астана қаласы)

74 келі - Дархан Есенғали (Шымкент қаласы)

79 келі - Болат Сақаев (Атырау облысы)

86 келі - Азамат Дәулетбеков (ШҚО)

92 келі - Ризабек Айтмұхан (Алматы қаласы)

97 келі - Бекзат Үркімбай (Астана қаласы)

125 келі - Юсуп Батырмурзаев (Ақтөбе облысы)

Күн сайын күндізгі сессия сағат 11:30-де (алдын ала, жартылай финал және жұбаныш белдесулері) басталса, кешкі сессия 18:00-де (1-ші және 3-ші орын үшін) өткізіледі. Азия чемпионатын «Qazsport» телеарнасы тікелей эфирде көрсетеді.