Bugin

Ақтөбе: Жасөспірімді қаққан жүгізуші оқиға орнынан қашып кетті

Авторларды қолдау орталығы

mediabugin@gmail.com

Ақтөбе қаласында ВАЗ-2114 жүргізушісі жолдан өтіп бара жатқан жасөспірімді қағып, оқиға орнынан қашып кетті.

Жол апаты 14 сәуір күні түнгі сағат 22:40 шамасында Әбілқайыр хан даңғылы мен Пацаев көшесінің қиылысында болған. Көлік жүргізушісі бағдаршамның қызыл шамына қарамай, жолдан өтіп бара жатқан жаяу жүргіншіні қағып кеткен. ВАЗ-2114 тоқтамай кетіп қалған. 17 жастағы бозбала дереу ауруханаға жеткізілді.

Жедел іздестіру шаралары барысында автокөлік Әбілқайыр хан даңғылындағы көпқабатты үйдің ауласынан табылды. Әйнегі, бампері мен капоты зақымданған. Автокөлік арнайы автотұраққа қойылды. Сондай-ақ көлік жүргізушісі анықталды. 18 жастағы жігіттің жүргізуші куәлігі болмаған.

Қазіргі кезде Қылмыстық кодекстің 345-бабы 2-бөлігі бойынша сотқа дейінгі тергеу басталды. Жүргізуші 2 жылға дейін бас бостандығынан айырылуы мүмкін.