Білім ордасы – Тұран

"Тұран" университеті студенттерге мамандықтардың кең спектрі мен қос диплом алуына мүмкіндік береді. Сізге университетпен толық таныса алатын, бағдарлама таңдауға және оқуға түсуге көмектесетін ақпарат ұсынамыз.

Университет туралы

"Тұран" университеті 1992 жылы Алматыда құрылған. ЖОО Қазақстандағы алғашқы және ірі мемлекеттік емес ЖОО-лардың бірі. 2020 жылы ол "Қызмет көрсететін үздік кәсіпорын" номинациясы бойынша Қазақстан Президенті сыйлығының "Алтын Сапа" лауреаты атанды.

Бүгінде "Тұран" білім беру корпорациясы мектеп-лицейді, Алматы мен Астанадағы бірнеше колледж бен университетті біріктіреді.

Негізгі міндет – болашақ мамандардың кәсіби дағдыларын дамыту. Ал басты миссия — қоғам игілігі үшін мәдениетті, білім мен ғылымды бойына сіңірген ұрпақ тәрбиелеу.

"Тұран" өзін инновациялық-кәсіпкерлік университет ретінде көрсетеді. Сондықтан ЖОО көшбасшылыққа, инновацияға, кәсіпкерлікке бағдарланған мамандарды даярлауға бағытталған.

Оқу орнының ұраны: "өзіне сенетін және табысқа жетуге ұмтылатындар үшін".

Университет студенттердің шығармашылық, спорттық және академиялық әлеуетін дамытуға көптеген мүмкіндіктер жасайды. "Жыл студенті" атағын жоғары нәтиже көрсеткен білім алушылар алады. Ал "Жыл белсендісі" атағы ең белсенді студенттерге беріледі. Сондай-ақ, үздік ұйымдар арасында "Жыл серпіні" номинациясы бар.

ЖОО-да жастар комитеті жұмыс істейді – ол студенттерге өз идеяларын іске асыруға және студенттік кеңеске маңызды мәселелерді ұсынуға көмектеседі.

ЖОО әлеуметтік желіде де белсенділігімен ерекшеленеді:

- YouTube

- TikTok

- Instagram

- "СТУДиЯ" газеті

Университетте пікірсайыс клубынан бастап музыканттарға арналған ұйымға дейін бар.

“Тұран” университеті сізге не ұсынады:

- университет еліміздің үздік жоғары оқу орындары рейтингінде алтыншы орында;

- "Тұран" — ELA-еуропалық логистикалық қауымдастыққа қабылданған Қазақстандағы алғашқы мекеме;

- оқу орнында Apple Digital Lab жұмыс істейді – ол жаңа технологиясы бар цифрлық зертхана;

- мұнда қос диплом жүйесі жұмыс істейді. Бағдарламаға АҚШ, Германия, Венгрия, Польша, Ресей, Түркия және басқа елдерден бірнеше серіктес университет қатысады;

- бұл Eduroam жобасына қосылған Қазақстандағы алғашқы ЖОО. Университет студенттері мен қызметкерлері өздерінің корпоративтік логинімен әлемнің 54 елінің кез келген ЖОО-да тегін Wi-Fi пайдалана алады.

Сәттілік, жас түлек!

Акпанов Айдос Калдыбайұлы