Полицейлер өздері тонауға мәжбүрлеп жүр

Altaynews сайтында жарық көрген оқиғаны оқып, құқық қорғау орындарының әрекетінен көңіл қалды.

Бейбіт елдің іргесінде болған оқиға Семейде орын алды. Үш бірдей полиция қызметкерлері қаладағы есірткіге тәуелді тұрғынды құрықтап, оның қоғамға залал тигізбеуін қамтамасыз етудің орнына, дүкен тонауға мәжбүрлеген. Бір сөзбен айтқан кезде айран ішкен – полиция, шелек жалаған – тұрғын.

Оқиға қалай болды?

Семейлік полиция қыметкерлері Берікбол Жиембай мен Ерлан Сыздықов беті ашылған қылмыстар санын көбейту үшін, есірткіге тәуелді қала тұрғынын мәжбүрлі түрде Defacto дүкенінен киім ұрлауға итермелеген. Ал оларға Ф. Самигулов есімді бұрынғы полиция басқармасының қызметкері көмектескен.

Оңай жолмен әділдік орнатқысы келген құқық қорғаушылар бас-басына 5 жылдан жаза алып, темір торға тоғытылды. Түрмеден босап шыққан күннің өзінде, өмір бойына мемлекеттік қызметке орналаса алмайды. Үкім осындай.