Мамыр айында қазақстандықтар қанша күн демалады

Мамыр айында қазақстандықтар сенбі, жексенбі мен мереке күндерін қосқанда 11 күн демалады. 

Egov.kz мемлекеттік порталының күнтізбесіне сәйкес мамырда үш бірдей мереке бар.

1 мамыр - Қазақстан халқының бірлігі күні

7 мамыр - Отан қорғаушы күні

9 мамыр - Жеңіс күні.

Егер мемлекеттік мереке демалыс күніне (сенбі немесе жексенбі) сәйкес келсе, онда демалыс күндері бір күнге ұзартылады. Ал 7 мамыр жексенбіге келіп тұр, сондықтан демалысы 8 мамырға ауысады.

ҚР Еңбек кодексінің 85-бабының 3-тармағына сәйкес мереке күндері жұмыс уақытын ұтымды пайдалану мақсатында Үкімет демалыс күндерін басқа жұмыс күндеріне ауыстыруға құқылы.