МӘДЕНИЕТ

Met Gala - 2023: Әлемнің ең танымал, бай адамдарының кеші қалай өтті?

Авторларды қолдау орталығы

mediabugin@gmail.com

Фото: reuters.com

Күні кеше Нью-Йорк қаласындағы Метрополитен өнер мұражайында жұлдыздар мен бай-бақуатты адамдардың басын қосатын Met Gala қайырымдылық кеші өтті. Бұл іс-шара музейдің жыл сайынғы қаражат жинау үшін ұйымдастырылатын гала қайырымдылық кеші. Ол өзінің экстраваганттық сәнімен және атақты қатысушыларымен танымал. 

Шараның әр жыл сайын белгіленген тақырып аясында өтетіні белгілі. Кеш жұлдыздары тақырыпқа қатысты ерекше сәнді болып келіп, ұзақ уақыт көпшіліктің талқылауында жүреді. Биылғы кештің тақырыбы марқұм дизайнер, модельер Карл Лагерфельдтің мұрасына арналды. Осылайша ұйымдастырушылар 2019 жылы 85 жасында өмірден озған дизайнердің еңбегіне құрмет көрсетуді жөн көрді. Көрмеде Лагерфельдтің мансабындағы 150-ден астам туындысы, Balmain, Chloé, Fendi, Chanel компанияларындағы эскиздері мен дизайндары және аттас бренді ұсынылды.

Іс-шараға дизайнерлер, сән иконалары және Голливуд жұлдыздары сияқты 400-ге жуық қонақ қатысты. 

Анна Винтур мен Билл Найи Getty Images

Анна Винтур мен Билл Найи Getty Images

Анна Винтур мен Билл Найи Getty Images

Met Gala кешін теннисші Роджер Федерер, әнші Дуа Липа, актриса Пенелопа Круз және Микайла Коул жүргізді. Сондай-ақ тізімде 1995 жылдан бері атақты шараны ұйымдастырып келе жатқан Vogue журналының бас редакторы Анна Винтур болды.

Кешке қатысқан қонақтарды өзара 4 санатқа бөліп қарастыруға болады.

Ең алдымен Карл Лагерфельдтің сүйікті мысығы Шупеттің құрметіне, мысық образын қайталағандарды айтуға болады. Себебі дизайнердің сүйіктісінің бейнесін қайталаған образдар желілерде лезде таралып, үлкен танымалдыққа ие болды. Жыл сайын дәл осы шарада ерекше көзге түсетін Джаред Лето осы санаттан табылды. Ол Шупетт образында келіп, тағы да көпшілікті таңқалдырды. Ал костюмінің астында total black образы жасырынған.

Джаред Лето Фото: ашық дереккөз

Джаред Лето Фото: ашық дереккөз
Фото ашық дереккөзден алынды: Джаред Лето

Мысық болып киінген тағы бір жұлдыз Doja Cat. Әншінің өз лақап атына сай болғанын айта кету керек. Карлдың мысығының түрін айнытпай бейнелеуге тырысқанын да аңғаруға болады.

Фото: ашық дереккөз

Фото: ашық дереккөз
Фото ашық дереккөзден алынды

Айта кету керек, сәуірдің басында шарада танымал мысық, Карл Лагерфельдтің заңды мұрагері Шупетт те бой көрсетеді деген болжамдар болғаны рас. Алайда көпшіліктің көзайымына айналған мысық кешке келмеді. Дизайнер Карл Лагерфельд 85 жыл өмірінде 200 миллион еуро табыс тауып үлгерді, бірақ оның әйелі де, балалары да болған жоқ. Сондықтан 2019 жылы ол қайтыс болғаннан кейін бұл байлықтың бәрі Шупетт есімді мысыққа қалды. Осылайша ол тарихтағы ең бай мысықтардың бірі болып шыға келді.