"ҚазМұнайГаз" ұлттық компаниясының басқарма құрамы өзгерді

Қазақстан қор биржасы «ҚазМұнайГаз» ұлттық компаниясының басқарма құрамы өзгергенін мәлімдеді.

«Бағалы қағаздары Қазақстан қор биржасының (KASE) ресми тізімінде тұрған «ҚазМұнайГаз» ұлттық компаниясы» АҚ (Астана) Директорлар кеңесінің биылғы 3 мамырдағы шешімімен компания басқармасының құрамына мынадай өзгерістер енгізілді:

- шығарылды: Қайырденов А.К., Қарабаев Д.С;

- сайланды: Макеев Д.С., Арысова Д.А», - деп жазды ведомстводан.

Енгізілген өзгерістерден соң, «ҚазМұнайГаз» ұлттық компаниясы» АҚ басқармасы тоғыз адамнан тұратынын атап өткен жөн. Олар: Мырзағалиев М.М, Абдулгафаров Д.Е, Закиров Б.К, Лавренов В.С, Брекешев С.А, Хасанов Д.К, Құдайбергенов К.М, Макеев Д.С, Арысова Д.А.