Махмұд Сабырхан бокстан әлем чемпионы атанды

Өзбекстан астанасында бокстан ерлер арасында өтіп жатқан әлем чемпионатында Махмұд Сабырхан жеңімпаз атанды.

Бұдан екі жыл бұрын Белградта өткен әлем чемпионатында күміс жүлде алған түркістандық Махмұд Сабырхан 54 келіге дейінгі салмақта өзбекстандық, Джизак облысының өкілі Ойбек Джураевпен жекпе-жекке шықты.

Бірінші раундта Махмұд соққыларын дәл жұмсап, 5:0 етіп нәтиже көрсетті. Екінші кезеңде бес қазының төртеуі басымдықты қазақ боксшысына берді. Үшінші раундта М.Сабырхан қарсыласын екі рет нокдаунға жіберді. 

Осылайша, айқын басымдылықпен өткен Махмұд Сабырхан Санжар Тәшкенбайдан кейін Қазақстан қоржынына екінші алтынды салды.