Ең ықпалды және сұранысқа ие мамандықтар

Қазіргі түлектер болашақ мамандығын таңдауға жауапкершілікпен қарайды. Талапкердің түрлі мамандықтардың ішінен келешегі зор, яғни оқу орнын бітіргеннен кейін сұранысқа ие болатын, жақсы жұмыс табуға мүмкіндік беретін және мол табыс әкелетінін таңдауы маңызды. Дегенмен, кейбіреулер үшін бұл мамандықтардың танымал болуының себебі дәл лайықты жалақысында жатыр. Мәселен, заңгер және экономист мамандықтары бірнеше жылдан бері ізденушілер арасында танымал. Осыған байланысты қазіргі таңда ең ықпалды, танымал мамандықтарға тоқталсақ...
 
IT-маманы
Заманауи ақпараттық технологиялар саласының дамуы және олардың қызметтің көптеген салаларына белсенді түрде енгізілуі IT-мен тікелей байланысты кәсіптерді танымал етеді. Бағдарламашылар, компьютерлік және мобильді қосымшаларды әзірлеушілер және жұмысы Бүкіләлемдік Интернетпен тығыз байланысты барлық адамдар да бүгінде жиі кездеседі.

Менеджмент
Менеджерлер тек сатуда ғана емес, көптеген салаларда қажет, олардың функциялары мен міндеттері өте әртүрлі. Мансап перспективалары мен менеджерлердің жоғары жалақысы бұл кәсіпті айтарлықтай танымал етеді.

Медицина
21 ғасырдағы гиппократтарға өте жоғары талаптар қойылады. Адамдарды емдеу үшін бүгінде анатомия, физиология, физика және химияны жаттап алу жеткіліксіз - заманауи дәрігерлерге электроника және биотехнология саласындағы іргелі білім қажет. Жоғары технологиялық медициналық құрал-жабдықтарды сатып алатын медициналық орталықтар адамзатқа көмектесуге деген гуманистік ұмтылыстары жоғары болу қажет.

Коуч
Коуч – әзірге отандық жоғары оқу орындары дайындамай жатқан 21-ғасыр мамандығы. Бір мезетте психолог, тренер және кеңес берушілік қызметтерін қатар атқарады және қызметкерлердің тұлғалық әлеуетін ашу арқылы кәсіпорынның өнімділігін арттыруға көмектеседі. Коучер қызметінің тізіміне мыналар кіреді: жағдай проблемасын талдайды және кеңес береді, мақсат қойып, сабақ бағдарламаларын әзірлейді, тренингтер жүргізеді. Адам жан дүниесі туралы терең білімі бар маман онлайн-коучер немесе желілерде әлеуметтік қызметкер бола алады.

 Туризм
Қазіргі заманның көшбасшы мамандығына кіретін туризм мамандығының еліміз үшін алатын орны ерекше. Туризм мамандығы және оның мамандары елдің мәдениетін, тарихын таныстырумен қатар елдің көркеюіне үлкен үлес қосады. Тек оны қалыптастыру үшін білікті мамандар керек. Қазір туристік фирмаларда білікті мамандар жетіспейді. Басты себеп - тілді жетік білмеуі немесе тарихи мекеннің ең тамаша жерлері туралы ақпаратқа қанық болмауы.

 Құрылысшылар
Құрылысшылар танымал мамандықтар тізімінде лайықты орындарға ие. Жоғары қарқындар мен құрылыстың үлкен көлемі бүгінде осы саладағы барлық кәсіптерді де өте танымал етеді. Сондықтан құрылысшы, дизайнер немесе, мысалы, сәулетші мамандығын таңдағандардың болашағы зор.

Шоу-бизнеске қатысты мамандықтар (әншілер, актерлар, музыканттар және т.б.) қазіргі мектеп оқушылары үшін де тартымды саналады. Өздерінің (кем дегенде кейбір) таланттарының арқасында ақша табуға деген ұмтылыс, ең алдымен, оңай көрінетіндіктен туындайды. Дегенмен, жоғары бәсекелестік жағдайында бұл салада табысқа тек қажырлы еңбек арқылы жетуге болады.

Аяулым Нұрсұлтан