Ақтөбе облысында жол апатынан екі Өзбекстан азаматы қаза тапты

Ақтөбе облысында жол апатынан екі Өзбекстан Республикасының азаматтары қайтыс болды.
 "16 мамыр күні Самара-Шымкент автожолының 824-шақырымында Toyota RAV-4 және Chevrolet Lacetti автокөліктері соқтығысқан. Chevrolet көлігінің жүргізушісі мен жолаушысы, Өзбекстан Республикасының азаматтары оқиға орнында қаза тапты",- делінген хабарламада.
   Сондай-ақ, Chevrolet автокөлігінің үш жолаушысы және Toyota RAV-4 көлігінде болған 5 жасар баласы бар ерлі-зайыптылар медициналық мекемеге жатқызылды.
   "ЖКО фактісіне қатысты тергеу басталды",- деді полицейлер.