ҰБТ-ға кірер кезде қандай дұға оқу керек?

Елімізде ҰБТ-ның негізгі кезеңі басталды. Осы орайды тест тапсыратын оқушылар рухани тұрғыда да дайындалған абзал. Bugin.kz порталы ҰБТ-ға кірер кезде және кіргеннен кейін қандай дұға оқу керек дұғаларды ұсынады.

Емтиханға кірер кезде:

«Рабби әдхилнии мүдхалә сидқин уә әхрижнии мухражә сидқин, уәжъал лии мил ләдункә султанән нәсиира»

Мағынасы: «Раббым! Менің кіретін жерімді оңды қыл және шығатын жерімді де оңды қыл! Әрі маған өз қасыңнан жәрдем күшін нәсіп ет!»

Ал емтиханға кіргеннен кейін, келіп-түскен сұрақтарға жауап бермес бұрын Мұса (ғ.с.) пайғамбардың мына дұғасын оқыса болады:

«Раббишрәх лии садри. Уә яссир лии әмри. Уәхлул ъуқдәтәм мил лисәни. Яфқаһуу қаули!»

Мағынасы: «Уа, Жаратушы Ием! Менің көңілімді (немесе зейінімді) аш. Маған ісімді жеңілдет. Тілімдегі шырмауды шеш. Менің айтқаным оларға түсінікті болсын!»

Сондай-ақ, он бір жылғы білімді саралайтын тест сынағына психологиялық тұрғыда да дайындалған жөн. Ол туралы біз психолог маманнан арнайы сұхбат алып жариялаймыз.

Дереккөз: ihsan.kz