Павлодарда оқушыларды аңдыған ер адам ұсталды

Павлодарда балаларды сыртынан бақылап, тұрғындардың ашуына тиген ер адам ұсталды. 

Әлеуметтік желіде ерекше киім киіп әрі мектептің қоршауынан ішке қарап тұрған ер адамның фотосы тараған.

"Бүгін сағат 16:35-те бейтаныс ер адам Павлодар қаласы №43 ЖОББМ қоршауынан балаларды бақылап тұрды. Полицияға 5 рет қоңырау шалып, хабарласа алмадық. Барлық операторлар бос болмады. Ата-аналар, сақ болыңыздар" делінген жазбада.

Қалалық полиция бөлімі жауап берді.

"Сағат 17:45 шамасында Павлодар қаласының ПІБ патрульдік полиция батальонының қызметкерлері № 43 ЖОББМ жанында 1970 жылы туған ер адамды ұстады. Ол облыс орталығында тұрады. Оның жеке басы анықталды. Ер адам полицияның учаскелік пунктіне жеткізілді" делінген жазбада.

Тәртіп сақшыларының айтуынша, жасы 50-ден асқан адам әңгіме барысында өзін біртүрлі ұстаған. Осыдан кейін олар №7 бригаданы шақырып, ер адамды ауруханаға жатқызған.