Биылғы жазда сәнде болатын топ-6 киім

Жаз - гардероб таңдауда өзімізді жеңіл ұстауға, жарқын түстерді қолдануға және еркіндікке мүмкіндік беретін уақыт. Шуақты күндер мен жылы кештер сәнді киіну үшін ең керемет кезең. Сондықтан гардеробыңызды биылғы жазда трендте болатын киімдермен толықтыруға асығыңыз.

Шілтері көйлек
Осы маусымның негізгі трендтерінің бірі -  шілтері көйлектер. Олар сіздің жазғы гардеробыңызға романс пен талғампаздықты қосады. Мұндай көйлектердің танымал болуының негізгі себептерінің бірі - олардың жеңілдігі мен ыңғайлылығы. Олар әдетте мақта немесе зығыр сияқты табиғи маталардан жасалғандықтан ыстық күндерде терінің тыныс алуына мүмкіндік береді.

Палаццо шалбар
Осы жазда сәнде болатын тағы бір тренд - палаццо шалбар. Кең және еркін силуэтімен олар сіздің көрінісіңізге сәнділік, талғампаздық және мінсіз стиль қосады.
Өзінің сәнділігімен қатар палаццо шалбары жайлылық пен қозғалыс еркіндігін қамтамасыз етеді. Жеңіл және ауасы бар материалдардан жасалған олар жаздың ыстық күндерінде терінің тыныс алуына мүмкіндік береді.

Кроп-топ
2023 жылдың жазғы маусымында сіз өзіңіздің бейнеңізді топпен оңай толықтыра аласыз. Бұл джинсымен де, шалбармен де, белдемшемен де тамаша үйлесетін іш киім үлгісіндегі киім. Іскерлік көрініс үшін оларды блейзермен немесе пиджакпен біріктірсеңіз болады.

Бермуд қысқа шалбары
Стиль мен жайлылықты біріктіретін жазғы гардеробтың негізгі элементтерінің бірі - бермуд қысқа шалбарлары. Олардың ұзындығы әдетте тізеге дейін немесе одан төмен болғаны оларды әртүрлі жағдайлар үшін қолайлы етеді. 
Бермуд қысқа шалбарларын футболкалармен, жейделермен, блузкалармен жұптастыру оңай, бұл аксессуарлар мен аяқ киімдерге байланысты түрлі стильді жасауға мүмкіндік береді. Әмбебаптығы, ұзындығы, жайлылығы және әртүрлі көріністерді жасау мүмкіндігі оны осы маусымда танымал трендке айналдырып отыр.

Жеңіл және "ұшып тұратын" көйлектер
Жаз - жеңіл және кең көйлектерді киюге тамаша уақыт. Олар жайлылық пен қозғалыс еркіндігін қамтамасыз етеді, сонымен қатар өте нәзік көрінеді. Зығыр, мақта немесе шифон сияқты табиғи маталардан жарқын түстердегі немесе пастелді реңкі бар көйлектерді таңдаңыз.

Карго
Өткен жылдан бері трендтен түспей келе жатқан карго киімдері бұл жазда да сұранысқа ие болып қала бермек. Ыңғайлылығы, кез келген киіммен үйлесе кететіні және стильді көрінісі - еркіндікке құмар сәнқойлардың бұл трендке деген қызығушылығын арттырып отыр.
Карго элементтеріне карго шалбары, карго юбкалары, карго көйлектері және карго қысқа шалбарлары жатады. Олар көпшілікке қалтасының көп болуымен танымал. Бұл әсіресе жаз айларында бізбен бірге смартфонды, кілттерді, әмиянды және басқа да қажетті заттарды алып жүру қажет болғанда өте маңызды.

Жаз өзін-өзі көрсетуге және сән эксперименттерін жасап көруге тамаша мүмкіндіктер ұсынатын мезгіл. Бастысы - киімнің ыңғайлы болғанына мән беріңіз. Жаздан толық рахат алып, сәтті сезінуді ұмытпаңыз!